काठमाडौं । कक्षा १२ को नतिजा सोमबार साँझ सार्वजनिक हुने भएको छ।
राष्ट्रिय परीक्षा बोर्डले नतिजा प्रकाशनका लागि आज साँझ ५ बजे बैठक बोलाइएको हो ।
यसअघि बोर्डले क्यालेन्डरअनुसार साउन १५ भित्र नतिजा सार्वजनिक गर्ने लक्ष्य राखेको थियो। तर गत चैत २० गतेदेखि सुरू भएको शिक्षक आन्दोलनका कारण यो प्रक्रिया प्रभावित भएको हो।
कक्षा १२ को परीक्षा बैशाख २१ गतेदेखि जेठ २ गतेसम्म भएको थियो । कक्षा १२ को परीक्षामा ५ लाख ११ हजार ५२५ विद्यार्थी सहभागी भएका थिए । नियमिततर्फ ३ लाख ९५ हजार ९ सय र आंशिकतर्फ १ लाख १५ हजार ६ सय परीक्षार्थी थिए ।
विद्यार्थीहरू बोर्डको वेबसाइट तथा एसएमएस मार्फत नतिजा हेर्न सक्नेछन्।
