जेठ ११ काठमाडौं । मुलुकभर पछिल्लो २४ घण्टामा थप ५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार कुल २७१७ जनामा गरिएको कोरोना परिक्षणमा थप ५ जनामा संक्रमण पुष्टि भएको हो ।
यो सँगै नेपालमा कोरोना संक्रिय संक्रमितको संख्या १२८ जना रहेको छ । यस्तै पछिल्लो २४ घण्टामा थप ९ जना कोरोना संक्रमण मुक्त भएका छन् भने सोहि समयमा कोरोनाको कारण कुनै पनि ब्यक्तिको मृत्यु नभएको मन्त्रालयले जनाएको छ ।
