काठमाडौं । सहिद स्मारक ए डिभिजन लिग फुटबल प्रतियोगिता अन्तर्गत मंगलबार दशरथ रंगशालामा भएको खेलमा फ्रेन्ड्सले जावलाखेललाई २-१ गोलले हराएको हो ।
फ्रेन्ड्सको जितमा राफिक एमिनु र प्रकाश बुढाथोकीले एक एक गोल गरे । जावलाखेलका फोडे फोफानाले एक गोल फर्काए ।
पहिलो हाफमै २-० गोलको अग्रता बनाएको फ्रेन्ड्सले दोस्रो हाफमा एक गोल खाएको थियो ।
उक्त जितसँगै फ्रेन्ड्स क्लबले जारी लिगमा चौथो खेलमा आएर पहिलो जित निकालेको छ । फ्रेन्ड्सले ४ खेलबाट ४ अंक बनाएको छ । यता पराजित जावलाखेलले समान खेलबाट ७ अंक रहेको छ ।
