काठमाडौं । राजधानीमा जारी यस सिजनको चौथो चरणको अन्तिम खेलमा मनाङ मर्स्याङदी क्लब विजयी भएको छ ।
त्रिपुरेश्वरस्थित दशरथ रंगशालामा भएको खेलमा मनाङले एनआरटीलाई ३-१ गोलले पराजित गरेको हो ।
मनाङको जितमा रोशन राना मगर, सय्यदजामोल डावलाजोनो र कोफि कोदोले गोल गरे ।
पहिलो हाफको ३९औं मिनेटमा रोशनले गोल गरि पहिलो हाफ भरि १-० गोलको अग्रता दिलाए ।
यस्तै दोस्रो हाफमा मैदान प्रवेश गरेका डावलाजोनोले ६८ औं मिनेटमा पेनाल्टी गोल गरि २-० गोलको अग्रता दिलाए ।
खेलको ८७औं मिनेटमा कोफिले गोल गरि मनाङको ३-० गोलले अघि बडाए । तर खेलको इन्ज्युरी समयमा एनआरटिका लागि अशोक थापाले गोल गरेर खेलमा ३-१ गोलको अबस्थामा ल्याए ।
उक्त जितसँगै मनाङले ४ खेलबाट ८ अंक जोडेको छ । यता पराजित एनआरटी भने समान खेलबाट १ अंकसहित पुछारबाट दोस्रो स्थानमा रहेको छ ।
