काठमाडौं । राष्ट्रिय स्वतन्त्र पार्टीको संसदीय दलको नेतामा बालेन्द्र शाह चयन भएका छन् ।
विहीबार पार्टी कार्यालयमा बसेको दलको बैठकले शाहलाई नेता चयन गरेको हो ।
संसदीय दल गठन सम्बन्धी प्रस्ताव पार्टी सभापति रवि लामिछानेद्वारा संसदीय दलमा प्रस्तुत गरिएको थियो ।
केन्द्रीय समितिको निर्णय अनुसार वरिष्ठ नेता बालेन्द्र शाह संसदीय दलको नेता र प्रधानमन्त्रीको उम्मेदवारका रूपमा चयन भएको सो अवसरमा जानकारी गराइयो । शाहलाई दलको नेताका रुपमा गरिएको प्रस्ताव सर्वसम्मत रूपमा पारित भएको प्रवक्ता मनिष झाले जानकारी दिए ।
‘राष्ट्रिय स्वतन्त्र पार्टीको वरिष्ठ नेता बालेन्द्र शाह राष्ट्रिय स्वतन्त्र पार्टीको संसदीय दलको नेता तथा प्रधानमन्त्रीको उम्मेदवारको रूपमा केन्द्रीय समिति तथा संसदीय दलको नेताको रूपमा राष्ट्रिय स्वतन्त्र पार्टीको सभापतिद्वारा प्रस्ताव सर्वसम्मत रूपमा पारित भएको छ,’ झाले जानकारी दिए ।
