काठमाडौँ ।  सरकारको सिफारिसमा राष्ट्रपति विद्यादेवी भण्डारीले संघीय संसदका दुवै सदनको अधिवेशन अन्त्य गरेकी छिन्।

सभामुख अग्निप्रसाद सापकोटाले सोमबार प्रतिनिधिसभा बैठकमा राष्ट्रपति कार्यालयबाट पठाएको पत्र पढेर सुनाउँदै संसदका दुवै सदनको चालु अधिवेशन अन्त्य भएको जानकारी गराएका हुन्।

संघीय संसदको दुवै सदनको चालु अधिवेशन साउन ३२ गते राति १२ बजेदेखि अन्त्य गरिएको सभामुख सापकोटाले बताए। अधिवेशनमा विभिन्न अध्यादेश पेस भएका, संसदीय समिति र संवैधानिक आयोगहरूका प्रतिवे‍दन पेस गरिएको र पूर्व सांसदहरूको निधनमा शोक प्रस्ताव पारित गरिएको थियो ।